a2.1-2Jer 29.7, Ese 6.10, Ro 13.1, Ef 6.18, Fl 4.6
b2.4Ese 18.23, Jo 3.16-17, 17.3, 1 Ti 4.10, 2 Ti 2.25, 2 Pi 3.9
c2.5Ro 3.29-30, Ga 3.20, Hi 8.6, 9.15, 12.24
d2.6Mt 20.28, 1 Ko 1.6, Ga 1.4, Ef 1.7-9, 2 Te 1.10, Ta 1.3
e2.7Ap 9.15, Ga 1.16, 2.7-8, Ef 3.7-8, 2 Ti 1.11
f2.8Ais 1.15, Mal 1.11, Jo 4.21
g2.91 Pi 3.3-5
h2.101 Ti 5.10
i2.121 Ko 14.34
j2.13Stt 2.7, 2.21-22, 1 Ko 11.8-9
k2.14Stt 3.1-6, 2 Ko 11.3

1 Timothy 2

Yumi mas prea na askim God long helpim olgeta manmeri

1Orait a namba wan samting yu mas mekim, em i olsem. Yu mas tokim ol manmeri long mekim ol prea na beten long God na tenkyu long em na askim em long helpim olgeta manmeri. 2Na ol i mas askim em tu long helpim ol king na olgeta gavman. Olsem bai yumi olgeta i ken sindaun gut na i stap bel isi, na yumi ken bihainim tru olgeta pasin God i laikim. 3Kain prea olsem em i gutpela long ai bilong God, em Man bilong kisim bek yumi, na em i laikim tumas dispela kain prea. 4Em b i laik kisim bek olgeta manmeri, bai ol i ken save long as bilong tok tru. 5Yumi c save, wanpela God tasol i stap. Na i gat wanpela namelman tasol i sanap namel long God na ol manmeri, em dispela man Krais Jisas. 6Long d taim God i makim, Krais i bin givim laip bilong em yet bilong baim bek olgeta manmeri, na long dispela pasin God i soim yumi olsem em i laik kisim bek olgeta manmeri. 7God e i makim mi bilong kamap aposel, na mi gat wok bilong autim dispela tok bilong em. Mi tok tru, mi no giaman. Em i givim mi wok bilong skulim ol manmeri bilong ol arapela lain, bai ol i ken bilip long Krais na save long tok tru.

 8Olsem f na mi laik bai ol man bilong olgeta ples i mas apim han bilong ol na mekim prea. Mi laik bai ol i ken givim laip bilong ol long God na i stap holi, na lusim pasin bilong belhat na kros, na long dispela pasin ol i ken mekim prea.

Pasin bilong mekim ol gutpela wok em i bilas tru bilong ol meri

9Narapela g tok i olsem. Mi laik bai ol meri i mas putim ol gutpela klos samting, inap tasol long ol. Ol i no ken hambak na bilasim gras na skin bilong ol long ol kain kain bis na bilas gol na ol klos i dia tumas. Nogat. 10Ol h meri i laik bihainim tok bilong God, ol i mas mekim ol kain kain gutpela wok. Dispela em i bilas tru bilong ol. 11Ol meri i mas daunim ol yet na pasim maus na kisim tok bilong God. 12Mi i no save larim ol meri i bosim ol man na i skulim ol long tok bilong God. Nogat. Ol meri i mas pasim maus na harim tok tasol. 13Harim. j God i wokim Adam pastaim, na bihain em i wokim Iv. 14Na k Adam i no bilipim tok giaman. Nogat. Meri i bilipim tok giaman, na em i mekim sin. 15Tasol ol meri i ken mekim wok bilong karim pikinini. Ol i mekim olsem, na sapos ol i bilip long Krais oltaim na givim laip bilong ol long em na i stap holi, na sapos ol i bihainim pasin bilong laikim tru ol arapela, na sapos ol i bihainim ol gutpela pasin, orait God bai i kisim bek ol. ▼
▼(2.15)Tok Grik i no klia tumas long dispela lain.
Copyright information for TPI